منتديات عَــشـٌق الـحُـوًارَيٌ

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

-


2 مشترك

    جزرة البنات

    برنس الشوق
    برنس الشوق

    Admin


    Admin


    عدد المساهمات : 561
    السٌّمعَة بالحاره : 6
    تاريخ التسجيل : 10/03/2011
    ذكر
    الموقع : ًWWW.smom.hooxs.com

    حب جزرة البنات

    مُساهمة من طرف برنس الشوق الجمعة سبتمبر 30, 2011 10:24 pm

    اييه ياحزن الضاني ..

    فـي يـوم مـن الليــالي قــررت اهـاجـر واتــرك الـديــره .... حسيــت ان العــالم كلــه ضــدي

    ...
    وكنــت اصبــر نفســي واقــول ان كــل العبــاقــره والمفكــرين كـانــوا
    منـبــوذين من المجتمــع >> لا احد يسمعك بس يا نيوتن جزرة البنات  S_020



    المهم ... شريت لي قارب وقررت اني اسـافر في البحار اللين القى مكان فيه ناس يقدروني ويحترموني ...
    وركبت البحر .. وجلست اجدف وانا اتأمل البحر والأسماك من حولي مجتمعه
    تنظر الي .. وكأن هذه الأسماك عرفت ان الشخص الماثل امامها ..
    <<<< الولد في محكمة

    اقول شكلها حست اني عبقري مع ان الناس ماعرفوا هذا الشي .... << اممممممش يا الواااثق ..



    وفجأه .... هبت عاصفه قويه اكلت الأخضر واليابس ..
    وقمت من النوم على صياح وازعاج
    ... ويوم فتحت عيوني ..
    لقيت اني مربوط من ايديني ورجليني في عمود وبنتين كل وحده ماسكه طرف من
    العمود وشايليني .. _ مثل افلام كرتون _ ... ووراهم جيش كبير من البنات ...
    >>> مأثرة عليه افلام الكرتون



    وكل اللي في الجزيره بنات مافيه ولا رجال _ الا انا طبعا !! _ ...
    المهم ... ودوني لمجلس رئيستهم .. وكانت عجوز تطيح الذباب من السمـا من شينها واسمهـا عمشا .. طويلـه ودبه ..<<< شكلها كانت باص مدرسه قبل ماتجي للجزيره



    وأول ماشافتني صار لونها اخضر وانتفخت وطلع لها قرون .... وقالت للبنات فكوه خلوني اتفاهم معاه ..... وفكوني ...
    قالت لي والشـرار يتطاير من عينيها اللي كنها طفاية سجاير : وش جابك هنــا ؟؟؟؟




    قلت : ابد والله .. كنت رايح اجيب اخواني من المدرسه وضيعت الطريق <<<< ما يعرف يصرف


    قالت : هـذا انتم يالرجاجيل .. ماتخلون البنات في حالهم .. تطاردونهم حتى لو راحوا المريخ..


    انا على بالي باستخف دمي قدام البنات وقلت : وين الرجاجيل اللي تتكلمين عنهم ما شوف احد غيرك .. بعدين لا يكون تقصدين انك من البنات انتي مدرسة بنات ..


    وانتفخت عمشا زياده .. وقربت ورفستني ذيك الرفسه على ...... ظهري << كمان واحد يصرف جزرة البنات  Nono



    وقالت
    : انتم يالرجاجيل ناكرين للمعروف .. يعني الحرمه لو تبيع عيونها عشان واحد
    منكم ما يعجبكم وتدورون وحده ثانيه غيرها .. لانكم تعتبرون الحرمه وسيلة
    تسليه لكم مثلها مثل البلاي ستيشن والكوره ..




    قلت:
    بالعكس حنا نقدر الحرمه كثير .. والدليل ان الشباب اذا شافوا بنت يجتمعون
    عليها وكل واحد فيهم يحاول يعطيها رقمه عشان اذا احتاجت شي يساعدها
    ...<<<< واحد على نياته>> طاااقته البرااءه طق جزرة البنات  Confused



    قالت
    لي : اسمع حنا متفقين ان اي رجال يدخل الجزيره هذي راح نعدمه ونقطع راسه ..
    ونخليه عبره .. لكن انا باعطيك يوم تتمشى في الجزيره .. علشان تشوف بعيونك
    اننا عايشين بدون الرجاجيل احسن عيشه ....... وطلبت عمشا من وحده من البنات اسمها (نوير) انها تاخذ فيني جوله على الجزيره ....



    نوير هذي كانت آيه في الجمال شعرها اسود ويوصل اللين ركبتها , وعيونها واسعه , وخشمها دلة قهوه ..>>>>>>> وصف رايح في اللفه ..


    المهم
    ... تجولنا في الجزيره .. وكانت كلها بنات .. ومليانه اسواق ومحلات ..
    وكلها محلات ادوات تجميل ومكياج واكسـسوارات وملابس جاهزه ومطاعم _ _ اللي
    قاهرني ليش المطاعم مع ان كلهم حريم .. يعني عجزوا يطبخون _ _ ..... واللي
    يبيعون في المحلات كلهم اندنوسيات _ _ صدق ان الحريم ما يقدرون يستغنون عـن
    الاندنوسيات




    وعملتهم
    في الجزيره .. هي ادوات المكياج ... يعني الفستان الايطالي بخمسه ارواج
    وكريم اساس ... والفستان الفرنسي بثلاثه ارواج ومسكره واحمر خدود .......
    يعني بدل الوحده ماتشيل بوك ولا محفظة فلوس تحصلها شايله علبة مكياج في
    جيبها .... <<<< حاس ان بنات المنتدى يبغون يروحون هناك الحين هههههههه( اركدوا بس )



    سألت نوير ...
    وقلت لها : انتي وش اللي جابك هنا حرام تسجنين نفسك في هالجزيره .. وين
    اهلك ..؟؟؟ قالت : شفت البنات اللي هنا كلهم ... كلنا اخذتنا عمشا وحنا صغار وجابتنا للجزيره هذي .. ووفرت لنا كل اللي تحتاجه البنات .. وصراحه كل البنات اللي تشوفهم عايشين احسن عيشه.. جزرة البنات  00015



    قلت :
    لكن ليش تكرهون الرجاجيل ؟؟؟؟ .... قالت : شف .. لا انا ولا وحده من
    البنات قد شفنا رجال .. وانت اول رجال نشوفه ..
    >>>>>>> عاد انتفخ رأسي ذيك الساعة ولا حد قدي

    .... وكل اللي نعرفه ان عمشا تعرف الرجاجيل زين .. وتقول ان الرجاجيل انذال يتسلون في الحريم ويضربونهم .. لا وتقول انهم يآكلون لحوم البنات بعد
    مع اني اشوف انك غير اللي تقول عنهم شكلك رقيق وحنون عاد انا انحرجت وصارت خدودي صفرا
    قلت : شكرا دا من زوئك ... جزرة البنات  S_019 <<< ما عليكم من الصورة ذي هي سارت صفراء بس هذا غلط من المخرج ..



    المهم سألتها : طيب من يحميكم في الجزيره .. يعني لو صادفتوا مشكله ولا قراصنه من اللي يدافع عنكم ؟؟؟ .. ... وهنا تنهدت نوير ..
    وقالت : هذي المشكله اللي نواجهها .. لأن فيه ديناصور كبييييير مرررره كل
    لحظه والثانيه يهجم على الجزيره ويخرب كل شي تصدق انه اكل ثنتين من
    الاندنوسيات .... قلت في نفسي .. اكيد بياكل الاندنوسيات لأنهم ضعيفات ..
    لكن انتم من يقدر عليكم .. وبعدين لحمكم مــررررر .... المهم .. قلت لها
    خلاص رجعيني لعمشا ... ابغاها ضروري .... >> امممممش يا الواصل جزرة البنات  Busted_red



    ورجعنا لعمشا ....
    وقالت : وش رجعك .. اكيد انك يوم شفت عيشتنا بدونكم فضلت انك تموت من القهر ...
    قلت : اسمعي انا سمعت ان فيه ديناصور كبير دايم يهاجمكم .. وانا ابغى اعقد معاك صفقه ...
    قالت : والله انت اللي يبغالك صفقه .. مسوي نفسك رامبو ...
    قلت : مالك دخل رامبو ولا محمد عبده .. المهم اذا ذبحت الديناصور وش لي ؟؟؟؟
    قالت : اذا ذبحته بنعفي عنك وبنخليك ترجع لديرتك



    قلت :
    لا لا .. انا ما ابغى ارجع لديرتي .. والله لأبيعهم كلهم .. انا في ذيك
    الساعه لما اعيش في جزيره كلها بنات .. ومافيه رجال الا انا .. يعني مافيه
    احد ينشب لي .. وكل البنات ماقدامهم الا حل واحد اذا بغوا يحبون ... انا وبس نياههاهاهاهاها <<< ضحكت شر جزرة البنات  Bomb



    قالت : لكن قانون الجزيره يمنع اي رجال يدخل .. اجل كيف اللي بيعيش بيننا ... لكن خلني اجمع البنات وأسألهم ....
    اكيد بيرفضون .. لانهم يقدرون يتحملون الديناصور ... لكن مايقدرون يتحملونك



    جمعت البنات وسألتهم .. وكلهم وافقوا بالاجماع اني اذا ذبحت الديناصور اعيش عندهم .. جزرة البنات  00004 >> ينعن ام الفله ..


    المهم
    ..... جهزت نفسي لقتل الديناصور .. وعرفت انه يطلع في الليل ..... وجلست
    احتريه بيدي العاريتين .. فإما حياة تسـر الصديق واما ممات يغيض ..............؟؟!! ....... المهم ...

    فجأه طلع الديناصور .... والله ياهو كبيييير ... له عين وحده في راسه واذانيه كبااار <<<< حمار ذا مو بديناصور



    وأول ما شافني نظر اللي نظرة احتقار ولا عبرني على طول دخل الجزيره ... وانا اللي الحقه .. وقلت له
    .... هيييه انت يالحبيب وش دعوه ؟؟ مامليت عينك ؟؟!!
    ........... وهو ولا كأن احد يكلمه تقول اللي قدامه
    علبه تونه مووو آدمي ...... ويــوم طفح الكيل ... وانا اللي اجره مع ذيله
    وامحط به في الجدار ...



    والتفت علي وقام يطلع نار من فمه يبغى يشويني ... وان اللي اطلع طفاية حريق وابخها في وجهه<<<<لاتـسألوني من وين جت طفاية الحريق مشوها لي ولا تصيـرون قلـق ..


    المهم .... وهو اللي يضربني بذيله .. وانا اللي اطييييييير ولا وقعت الا عند نوير


    وهي اللي تضمني وتقول : لا تموت الله يخليك .. انا ما أقدر اعيش بدونك .. انا احبك .. لا تخليني


    وانا اللي انط كني مقروص ..
    وقلت : وش قلتي صدق انتي تحبيني ؟؟؟ ....... وضحكت من الخجل وقامت تركض
    بعيد عني مستحيه .. وشوي الا اسمع صوت .. أثرها صدمت في جدار ما انتبهـت له
    ...... المهم .... واستجمع قواي وارجع للديناصور ... واكفخه على راسه
    بماصوره .. وهو اللي يطلع سكين يبغى يذبحني<<<< يالربع ... شفتوا الارنب اللي مر من هنا قبل شوي ... ولا انا غلطاااان جزرة البنات  S_005



    وانا
    اللي امسك يد الديناصور االلي فيها السكين ... وهو يقربها من وجهي .. وانا
    ابعدها .. وهو يقربها ... اللين وصلت عند عيني ......>>> يكثر من متابعة افلاام سلفستر هههههههههه



    وفجأه مادريت الا ذيك الضربه على راسي
    واسمع صوت ابوي يقوول :



    ... قم لابارك الله فيك من ولد قم رح عب الاسطوانات وجب معك لبن .. انا وش اللي الله بلاني فيك يالداشر جزرة البنات  Helpsmilie


    وقمت
    من النوم ولبست ملابسي ... وانا مقهور ... آآآآآآآه لو انه
    تركني شوي بس ... والله كان ذبحت الديناصور وقطعت لحمه وفرقته على البنات
    عشان يعرفون قدر شجاعتي..



    صحيح طوولت عليكم بس هذا اللي صاار جزرة البنات  Confused
    الهايم
    الهايم

    Admin


    Admin


    عدد المساهمات : 591
    السٌّمعَة بالحاره : 15
    تاريخ التسجيل : 30/01/2011
    ذكر
    الموقع : https://3eshqal7wary.forumarabia.com/

    حب رد: جزرة البنات

    مُساهمة من طرف الهايم الجمعة أكتوبر 07, 2011 1:11 am

    كالعادة ابداع رائع

    وطرح يستحق المتابعة

    شكراً لك

    بانتظار الجديد القادم
    دمت بكل خير


    وسامحوني عن الانقطاع


    بس والله الظروف اشغلتني

    يعطيك العافيه
    برنس الشوق
    برنس الشوق

    Admin


    Admin


    عدد المساهمات : 561
    السٌّمعَة بالحاره : 6
    تاريخ التسجيل : 10/03/2011
    ذكر
    الموقع : ًWWW.smom.hooxs.com

    حب رد: جزرة البنات

    مُساهمة من طرف برنس الشوق الأحد أكتوبر 09, 2011 1:10 pm

    معذوور يالغالي
    عذر الغايب معاه
    ومنور بطلتك الحلوهـ
    اللهـ لايحرمنا منها

      الوقت/التاريخ الآن هو الخميس مارس 28, 2024 2:13 pm